Taylor Swift do të nderohet me shpërblimin “Ikonë Globale”

2 min read

Ylli amerikan i muzikës do të nderohet me çmimin special “Ikonë Globale”, në edicionin e sivjetmë të ndrajes së shpërblmeve “BRIT Awards 2021”.

Ngjarja e njohur muzikore do të mbahet në arenën “O2” të Londrës, të marten më 11 maj dhe do t’i mirëpres rreth 4 mijë njerëz në sallë, si pjesë e programit hulumtues që po testohet aktualisht nga Qeveria britanike për ta shqyrtuar rrezikun e bartjes së COVID-19 në këtë ngjarje. Rreth 2.500 bileta u janë ofruar falas punëtorëve shëndetësorë, që shërbyen në frontin e parë gjatë pandemisë.

Swift do të bëhet artistja e parë që është nderuar me shpërblimin “Ikonë Globale”, një prej nderimeve më të larta të cilat i ndanë ceremonia “BRIT”. Me këtë çmim në të kaluarën ishin nderuar yje të tillë si David Bowie, Elton John dhe Robbie Williams.

Kantautorja e famshme amerikane po nderohet por ndikimin e madh në muzikë anembanë botës, repertorin e pasur muzikor si dhe arritjet e jashtëzakonshme në karrierën e saj.

“Karriera e Tylor Swiftit është e pakrahasueshme dhe muzika dhe ndikimi i saj, ka bërë jehonë tek miliona njerëz në të gjithë botën. Ajo e ka shfrytëzuar platformën e saj për të tërhequr vëmendje ndaj disa çështjeve të rëndësishme globale, dhe së fundmi është vlerësuar lartë për angazhimin në promovimin e pranimit të komunitetit LGBTQ”.

Bendi i muzikës rok, “Coldplay”, do ta hap ceremoninë me një performancë të veçantë. Ata do të interpretojnë në një skenë të montuar në lumin “Thames” të Londrës, që gjendet afër arenës “O2” ku mbahet ngjarja. Ndër yjet e tjerë të clët do të performojnë gjatë mbrëmjes janë: The Weeknd, Dua Lipa, Olivia Rodrigo, Arlo Parks, Headie One, Rag’n’Bone Man, P!nk dhe të tjerë.

Ceremonia do të prezantohet nga komediani, Jack Whitehall, kurse do të transmetohet live në kanalin “ITV” dhe në platformën “ITV Hub”.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Copyright PRO FM © All rights reserved. | Newsphere by AF themes.