Shënohen vetëm 5 raste të reja me COVID-19 në Shqipëri

Vetëm pesë raste të reja me COVID-19 janë konfirmuar në Shqipëri, ku tre raste janë në Durrës, një në Tiranë dhe një në Krujë, kontakte të rasteve të mëparshme pozitive.

Ndërkohë janë 13 të shëruar në 24 orët e fundit. Ndërsa 80 për qind e të prekurve tashmë janë të shëruar.

Mirela Cami, Drejtore e Operatorit të Shërbimeve të Kujdesit Shëndetësor dha detajet:

“Gjatë 24 orëve të fundit janë testuar 204 qytetarë si të dyshuar të prekur me COVID-19 dhe janë konfirmuar pozitivë 5 raste. Të shëruar janë 13 qytetarë. Gjendja në spitalin infektiv paraqitet e qëndrueshme prej ditësh me 14 pacientë të shtruar dhe vetëm 3 prej tyre janë në terapi intensive. Deri më sot janë konfirmuar pozitivë me COVID-19 në të gjithë vendin 969 qytetarë. Prej tyre, rreth 80 për qind janë të shëruar.
Aktualisht janë 167 persona aktivë me COVID-19, kryesisht në Tiranë, Durrës dhe Krujë”, njofton Mirela Cami, drejtore e Operatorit të Shërbimeve të Kujdesit Shëndetësor.

Share

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Share