Francë, shkon në 19.323 numri i viktimave nga COVID-19

Franca ka raportuar 642 viktima tjera nga koronavirusi i ri (COVID-19), me çka numri i përgjithshëm i viktimave nga ky virus në vend është rritur në 19.323. Autoritetet shëndetësore franceze njoftuan se midis viktimave të regjistruara në 24 orët e fundit, 368 po trajtoheshin në spital, ndërsa 278 ishin në shtëpi pleqsh. Autoritetet po ashtu njoftojnë se pacientët që po trajtohen në kujdes intensiv shënuan një ulje, gjegjësisht duke rënë në 5.833 nga 6.027 sa ishin dje. Ndërkohë, numri i rasteve të konfirmuara me COVID-19 është rritur në 111.822, me 2.569 raste të raportuara në 24 orët e fundit, ndërsa numri i përgjithshëm i të shëruarve ka shkuar në 35.983. Pas shfaqjes për herë të parë dhjetorin e kaluar në Wuhan të Kinës, koronavirusi është përhapur në mbarë botën, ndërsa Organizatata Botërore e Shëndetësisë (OBSH) shpërthimin e ka shpallur një pandemi gl obale. Bazuar në të dhënat e Universitetit John Hopkins me qendër në SHBA, mbi 2.3 milionë raste të koronavirusit janë raportuar në mbarë botën, me rreth 157 mijë të viktima dhe rreth 585 mijë të shëruar.

Share

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Share