Franca goditet nga përmbytjet, 9 të vdekur

A car submerged in flood water in the town of Frejus, France, Monday Dec. 2, 2019. The crew of a rescue helicopter were among five people killed in heavy weekend rains that pounded France’s Mediterranean coast in a second week of deadly flooding in the region. (AP Photo/Daniel Cole)

Jugu i Francës vijon të vuajë pasojat e shirave të dendur dhe përmbytjet që kanë shkaktuar ato. Dy banorë humbën jetën bashkë me 3 pjesëtarë të forcave të shpëtimit që po patrullonin zonën me helikopter, duke e çuar në 9 bilancin tragjik të dy javëve të fundit.

Përmbytjet e fundjavës në jug të Francës shkaktuan të dielën të paktën 5 viktima.

Një helikopter me tre pjesëtarët e ekuipazhit u rrëzua afër qytetit portual të Marsejës gjatë operacionit të shpëtimit.

Shkaqet e aksidentit po hetohen por paraprakisht mendohet se faktor ka qenë fushëpamja e kufizuar.

Mjeti ajror po fluturonte në rajonin e Varit për t’u ardhur në ndihmë banorëve të rivierës franceze, që po përjetojnë përmbytjet nga shirat e fortë.

Bilanci u rëndua më tej të dielën kur një bari që po kontrollonte kopenë e tij me makinë u mor me vete nga ujërat e rrëmbyer.

Trupi i një tjetër personi u gjet rreth 300 metra nga vendi ku ishte parë për herë të fundit.

Në këto dy javë, përmbytjet në rajonin e Varit e kanë çuar në 9 numrin total të viktimave.

Kushtet e këqija të motit kanë detyruar mbylljen e disa autostradave, ndërprerjen e energjisë dhe kanë pezulluar një numërsh aktivitetesh kulturore e sportive në të gjithë vendin.

Reshje shiu nga 12 në 15 centimetra parashikohen edhe për pjesën më të madhe të së hënës.

Share

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Share