Nënshkrimi i Protokollit për anëtarësim të Maqedonisë së Veriut në NATO është një zhvillim i rëndësishëm për sigurinë në rajon, thotë Arben Taravari, Kryetar i Komunës së Gostivarit. Në një intervistë për Zërin e Amerikës, zoti Taravari, që mban edhe postin e Sekretarit të Përgjithshëm të partisë Aleanca për Shqiptarët, tha se partitë shqiptare duhet të dalin me një kandidat të përbashkët në zgjedhjet presidenciale të 21 prillit në Maqedoninë e Veriut. Ai ishte në Uashington, ku mori pjesë në Lutjet Kombëtare të Mëngjesit. Me zotin Taravari bisedoi kolegu Festim Gashi.