Barcelona dhe Real Madrid nuk kanë shkuar më shumë se një barazim 1-1 në gjysmëfinalen e parë të Kupës së Mbretit. Blaugranët e nisën ndeshjen pa Lionel Messin nga minuta e parë, ndërkohë që Solari zgjodhi që t’i besonte Vinicius Junior.

Madrilenët e nisën mjaft mirë ndeshjen duke kaluar në avantazh që në minutën e 6-të me Vazquez, i cili shfrytëzoi më së miri një asist fantastik të Benzema. Barcelona përpiqet që të reagojë, por në fraksionin e parë do të gjenin vetëm traversën.

Në fillimin e pjesës së dytë, Macolm gjeti rrugën e rrjetës pas një aksioni të gjatë, teksa më parë Jordi Alba dhe Luis Suarez u ndalën nga portieri Navas dhe nga Ramos në vijën e portës. Barcelona në minutën e 64-t hodhi në fushë edhe Messin, ndërkohë që në krahun tjetër te madrilenët u aktivizua Gareth Bale. Gjithsesi ata nuk do të arrinin që të ndryshonin shumë ndeshjen, pasi deri në fund rezultati do të mbetej 1-1, teksa gjithçka do të vendoset në duelin e kthimit./