Sot diku rreth orës 14:30 në afërsi të udhëkryqit për tek Spitali i Gostivarit ka ndodhur një incident mes një banori të Gostivarit respektivisht banorit nga fshati Gjurgjevisht dhe një grup të rinjësh.

Në Spital në gjende të rëndë është hospitalizuar banori i Gjurgjevishtit, si dhe dy persona të tjerë. Njëri nga ata që kërkuan ndihmë në Spitalin e Gostivarit është një nga sulmuesit.

Nga Spitali i Gostivarit u tha që banori i Gjurgjevishtit është pranuar në gjendje kritike dhe me lëndime të dukshme trupore.

Nga Policia e Gostivarit thanë se detaje me te hollësishme do të japin gjat ditës së nesërme, duke shtuar që: Punohet në zbardhjen e plotë të ngjarjes së përgjakshme.

Jo zyrtarisht, të rinjtë kanë zbritur nga një veturë dhe kanë sulmuar një burrë të moshuar i cili në ato momente ka qenë i shoqëruar nga gruaja e tij.

Dëshmitarët e rastit i thanë, se ishin diku 5 apo 6 të rinj që sulmuan fizikisht personin e moshuar. Ata kanë shfrytëzuar shkopinj druri për ta sulmuar atë.