Pas rrëfimit që preku shumë kë, ish yllit të Arsenalit, Emmanuel Eboue, tani i është ofruar një rol trajneri tek ish-klubi i tij, Galatasaray.

Trajneri Fatih Terim ishte ai që i lexoi fjalët e tij rreth rënies tragjike që gati sa nuk e bëri të vrasë veten.

Eboue kishte dhënë një intervistë për Daily Mirror se kishte humbur gjithçka pasi u nda me gruan e tij, dhe se si gati sa nuk i kushtoi jetën.

Terim lexoi fjalët e tij të dhimbshme dhe sipas CNN Turk, ish-lojtarit të Bregut të Fildishtë mund të rikthehet si trajneri i U-14 të klubit.

“Kemi dëgjuar për çështjen e tij në dhomën e zhveshjes, aty më informuan, do të bëjmë çmos të ndihmojmë mikun tonë,” shprehet Terim për CNN.

Eboue u ndje mirë me fjalët e Terim dhe ka thënë se do të pranonte shumë që të rikthehej te Galatasaray.

“Do të doja shumë të rikthehesha te Galatasaray, dhe Fatih Terim është si një baba, e dua shumë, do të bëja çdo gjë për të pasi e dua shumë,” është përgjigja e 34-vjeçarit Eboue.

Galatasaray po ashtu ka filluar një fushatë për ta ndihmuar Eboue.

Legjendat e klubit Hasan Sas dhe Necati Ates që kanë bërë thirrje gjithashtu për të ndihmuar ish-shokun e tyre të skuadrës.