Në autostradën Gostivar – Tetovë diku në afërsi të mbikalimit në fshatin Zherovjan, dje rreth orës 7 ka ndodhur një aksident trafiku, njofton zëdhënësi i MPB-së Marijan Josifovski.

Edhe kësaj radhe, shkak i aksidentit ka qenë lëvizja e pakontrolluar e qenve endacak në sipërfaqen rrugore.

Vetura e markës Fiat Stilo me targa të Gostivarit që drejtohej nga 34 vjecari R.Gj. nga Turcani i madh, është përplasur me qenin.

Për pasojë qeni ka ngelur i ngordhur në vendngjarje, ndërkaq pasoja në njerëz nuk ka patur.

Dëmi i shkaktuar material tek automjeti, siaps Policisë, llogaritet në 10 mijë denarë.