Xhaferi në Uashington, takime me kongresmenët amerikan

Kryetari i Kuvendit të Republikës së Maqedonisë, Talat Xhaferi, në kuadër të vizitës në SHBA, realizoi takime individuale me kongresmenët Robert Pitinxher, Robert Aderholld dhe Dejv Trot.

Siç kumtoi Kabineti i kryetarit të Kuvendit, kongresmeni Robert Pitinxher, i cili njëkohësisht është edhe mikpritës i Forumit Parlamentar të sigurisë, në fillim të takimit theksoi se është i nderuar që kryetari Xhaferi e pranoi ftesën për pjesëmarrje në këtë tubim të rëndësishëm i cili është vazhdim i forumit prej në qershor të vitit 2017 në Riga. Në këtë kontekst, ndër të tjerat, kryetari Xhaferi e informoi kongresmenin Pitinxher për ndryshimet ligjore me të cilat sanksionohet pjesëmarrja e qytetarëve tanë në formacione ushtarake të huaja.

Bashkëbiseduesit konstatuan se Shtetet e Bashkuara të Amerikës dhe Republika e Maqedonisë gjenden në anën e njëjtë në luftën kundër terrorizmit në botë. Sundimi i të drejtës, liria e të folurit dhe pavarësia e institucioneve janë fondamenti kryesor për ndërtimin e shoqërisë demokratike të shëndoshë të integruar në NATO dhe BE, citohet në kumtesë.

Gjatë takimit, kongresmeni Aderholld, i cili është edhe anëtar i grupit të miqve të Maqedonisë nga kongresi amerikan, u interesua për diskursin e përgjithshëm politik pas transferimit të pushtetit. Kryetari Xhaferi ia prezantoi në hollësi situatën e përgjithshme dhe prioritetet e Republikës sëMaqedonisë në raport me përmbushjen e proceseve të domosdoshme reformuese. Me këtë rast, kryetari i Kuvendit potencoi sevlerat euroatlantike duhet patjetër të ndërthuren në indin e jetës shoqërore në Republikën e Maqedonisë, për arsye se kjo është për të mirën dhe mirëqenien e qytetarëve.

Xhaferi në Kongresin amerikan kishte takim  edhe me bashkëkryesuesin e grupit të miqve të Maqedonisë Dejv Trot, i cili para do kohe e vizitoi Republikën e Maqedonisë në suazat e turnit të tij evropian.

Në drejtim të anëtarësimit të plotfuqishëm të Maqedonisë në NATO, kongresmeni Trot theksoi se grupi i miqve të Maqedonisë nga kongresi, do të vazhdojë të japë mbështetje me të gjitha mjetet dhe mënyrat që i ka në dispozicion.

Share





Leave a Reply

Your email address will not be published. Required fields are marked *

Share